سووره‌تێ ئه‌نعام. مه‌ککی‌یه و 165 ئایه‌ته



سووره‌تێ ئه‌نعام. مه‌ککی‌یه و 165 ئایه‌ته

1)            بناڤێ خودایێ ره‌حما وی پر و به‌رفره‌ھـ. حه‌مد ژ وی خودایی را نه، ئه‌وێ عه‌سمان و عه‌رد چێکرین ؛ و طاریتی و رووناهی قرار دایین؛ دپه‌یرا ژی که‌سێن که‌تین کوفرێ، ھمبه‌را ژ خوه‌یكه‌رێ خوه‌را د‌اتینن.

2)            ئه‌وه‌ یێ هوون ژ حه‌ریێ چێکرین، پاشێ وه‌خته‌ک [ژ ژیانا هه‌وه‌را] دانی، و وه‌ختی یه‌قینی (بێ کێم و زێده‌) لبال وییه. د په‌یرا هوون دکه‌ڤن گومانا.

3)            و ئه‌وه خودا د عه‌سمانان و عه‌ردێدا، ؛ خه‌فا هه‌وه و ئه‌شکه‌ره یا هه‌وه زانێ، و یا هوون ده‌ستڤه تینن ژی زانێ.

4)            و چ نیشان ژ نیشانێن خودایێ وان ژ وانرا نایێ، ئللا کو پشتا خوه ددنێ.

5)            ڤێجا ئه‌وا حه‌ق ده‌ما ژ وانرا هاتی، ده‌ره‌وین کرن، د په‌یرا وێ خه‌به‌رێن ‌وێ یا طه‌ڤزێ خوه پێ دکران ژ وانرا بێ.

6)            ما نه دیتنه‌ پێشیا وا دا مه چقا ئوممه‌ت ژ ناڤ برنه؟ ئه‌وێن كو ژ ھه‌وه‌ پتر مه‌ خوه‌یتی لوان كری و د‌ عه‌رد‌ێدا خوررت كرین و مه شرركێن عه‌سمان سه‌ر وادا شاندن؛ و مه چه‌م به‌ر وارا هه‌رکاندن، ڤێجا ژ به‌ر گونه‌هێن وا مه‌ ئه‌و ژ ناڤ برن و پشتی وا مه زوریه‌ته‌ک دی چێکر.

7)            و ئه‌گه‌ر مه کتێبه‌ک نڤیساند‌‌ی لسه‌ر کاغه‌زی سه‌ر ته دا بشاندا، ڤێجا ئه‌وا ده‌ستێ خوه پێڤه‌ بانیا، موحه‌قه‌ق ئه‌و که‌سێن که‌تین کوفرێ، وێ بگووتان: ئه‌ڤ ژ سحره‌ك‌ ئه‌شکه‌ره پێڤه نه تشته‌ک دییه.

8)            و گووتن: دێ بلا مه‌لائیکه‌ته‌ک سه‌روی دابهاتا! ئه‌گه‌ر مه، مه‌لائیکه‌ته‌ک رێکربیا، موحه‌قه‌ق هنگێ وێ مه‌سه‌له خلاس ببیا و موهله‌ت ژ وانرا نه‌دهات دایین.

9)            و ئه‌گه‌ر مه ئه‌و بكرا مه‌لائیکه‌ت، مو‌حه‌قه‌ق مه‌ وێ ئه‌و د [شکل و شه‌مالا] زه‌لامه‌کیدا ده‌ینابا، و مه وێ جلکێن کو ئه‌و به‌ر دکن بکرا به‌ر واندا. (ئان: وه‌ک چه‌وا ئه‌و مه‌سه‌لێ ژ خوه‌را ئالووز دکن، مه ژی وێ ژ وانرا ئالووز بهشتا).



1 2 3 4 5 6 7 8 9 10 11 12 13 14 15 16 next