سووره‌تێ ئه‌نفال، مه‌ده‌نی یه و 75 ئایه‌ته



سووره‌تێ ئه‌نفال، مه‌ده‌نی یه و 75 ئایه‌ته

1)            بناڤێ خودایێ ره‌حمه‌تا وی زه‌حف و به‌رفره‌ھـ. [ئه‌ی پێغه‌مبه‌ر] ده‌رحه‌ق ئه‌نفالێ (ده‌ستکه‌تا شه‌ر ئان ملک و مالێ بێ خوه‌ی) پرسیارێ ژ ته دکن، بێژه: ئه‌نفال یا خودێ و پێغه‌مبه‌ره، ڤێجا های ژ ناڤبه‌ینا خوه و خودێ هه‌بن و د ناڤبرا خوه دا دورستیێ چێکن؛ و ئه‌گه‌ر هوون ئه‌هلێ ئیما نێ نه‌ گوهدارێ خودێ و پێغه‌مبه‌رێ وی بن.

2)            باوه‌ردار هه‌ما ئه‌ون یێن ده‌ما به‌حسا خودێ تێ کرن دلێ وان دطرسهێ؛ و ده‌ما ئایه‌تێن وی لسه‌ر وان تێن خوه ندن سه‌ر ئیمانا وانڤه زێده دبێ و خوه‌ ب خودایێ خوه د‌گرن؛

3)            ئه‌وێن نمێژێ بجی تینن و ژ وێ یا مه کری رزقێ وان ددن.

4)            ئه‌ون باوه‌ردارێن دورست، ژبوونا وان لبال خودایێ وان مه‌رتبه و لێبوورین و رزقه‌ک به‌رکه‌تی هه‌یه.

5)            وه‌ک چه‌وا خودایێ ته ب دورستی توو ژ مالا ته ده‌رێخستی (ژبوونا شه‌رێ به‌درێ) حالحاله بیه‌قین بره‌ک ژ باوه‌رداران ل وان نه‌خوه‌ش بی.

6)            ده‌رحه‌ق یا دورست دا پشتی ئه‌شکه‌ره ‌بینێ گه‌ل ته رکه‌به‌رانیێ دکن، حه‌چوه‌کو ب ئالیێ مرنێ ڤه تێن ئاژووتن و ئه‌و لێ دنێرن.

7)            و [بێنه ‌بیر] ده‌ما خودێ سووزا یێک ژ دو بررا (ژ دو ده‌ستا: کاروانێ تجاره‌تێ قوره‌یشییان ئان له‌شکه‌رێ ئه‌بوو سوفیان) دا هه‌وه، کو موحه‌قه‌ق ژ هه‌وه‌را یه و هه‌وه حه‌ز دکرا ده‌ستا بێ چه‌ک (بێ ستری- بێ سلاح- بێ زه‌حمه‌ت- کاروانێ تجاره‌تێ) ژ هه‌وه‌را بێ، حالحاله خودێ دخوه‌ستا ب گووتنێن خوه دورستیێ جهـ بکێ و دویڤکێ ئنکارکه‌ران ببرێ.

8)            دا حه‌قیێ جهـ بکێ و پووچێ ژناڤ ببێ، وه‌له‌و ل خرابکارا خوه‌ش نه‌یێ.

9)            هنگێ کو ‌وه هه‌وارا خوه ژ خودایێ خوه را دبرا، ڤێجا ‌وی جه‌وابا هه‌وه دا کو: موحه‌قه‌ق ئه‌زێ پێ هه‌زار مه‌لائیکه‌تێن لپه‌ی هه‌ڤ ئاری هه‌وه بکم.



1 2 3 4 5 6 7 next