ئه‏هلێ به‏يت ل قورئانا كه‏ريم دا



قورئانا كه‏ريم ئه‏ساسێ بيرو هزرا و سه‏ركه‏هنيا شه‏ريعه‏ت و باشيايه‏و ئه‏وا ل قورئانا كه‏ريم دا وه‏حيه ژ ئالێ خودێ ڤه نازل بيه و گوتنا پاك و هێژايى يا خودێ تعالايه كو بنياتا هه‏ڤگرتن و ژيانێ‏يه و قانون و قرارێن وێ مه‏علوم دكت، وه هه‏ر موسلمانه‏ك دزانت ئه‏وا ل قورئانێ دا هه‏يى، شه‏ريعه‏ت و قانون و قرارێن ژيانێيه و دڤێ پێ بێت عه‏مه‏ل كرن و لسه‏ر وێ رێكێ حه‏ره‏كه‏ت بێت كرن.

ئه‏ڤ قورئانا كه‏ريم ب ئاوايێن ژێرى به‏حسا ئه‏هلێ به‏يتێ دكت:

1 - ناڤێ وايێ ئصطلاحى تينت، ئه‏و ئصطلاحا كو قورئانێ بخوه دانيى ئه‏و ژى ئه‏ڤه كو جارنا ئه‏وا ناڤ دكت ب ـ ئه‏هلێ به‏يت چه‏وا كو ل ئه‏يه‏تا ته‏طهيرێ دا - ئه‏حزاب 33 - هاتى و جارنا ژى ب ـ قوربا يێ ناڤ دكت، چه‏وا كو ل ئايه‏تا مه‏وه‏ده‏تێ دا - شورى 23 - هاتى و ب ڤى ئاوايى گه‏له‏ك ئايه‏ت نازل بينه كو سونه‏ت و حه‏ديسا پێغه‏مبه‏ر صلى الله عليه وآله ئه‏و ئايه‏ت ـ به‏يان و روناهى كرنه وئه‏هلێ ته‏فسير و حه‏ديسێ ژى ل كتێبێن خوه‏يێن كورت ودرێژ دا گێرانه و نڤيسينه.

2 - نڤيسين و لخوه دا گرتنا قه‏ومين و تشتێن خاصێ ب ئه‏هلێ به‏يتێ‏ڤه، و ل ڤێ ده‏رحه‏قێ دا ژى گه‏له‏ك ئايه‏ت نازل بينه و ژ هێژان و قه‏در و قيمه‏ت و مه‏قام و مه‏دحێن وا دئاخڤن و به‏رێ ئومه‏تێ ددن وان، و ئه‏وژى ب دو ئاوايايه:جار هه‏يه به‏حسا هه‏ميا پێ كڤه دكت، هه‏ر وه‏كو ل ئايه‏تا ـ موباهله ێ و سوره‏تێ ده‏هر و ئايه‏تێن ديتر دا هاتى، و جارنا ژى هنو هنو و كتوكتو به‏حسا وا دكێ هه‏ر وه‏كو ئايه‏تا ولايه‏ت ێ چه‏وا كو ئه‏مر دكت:

 إِنَّما وَلِيُّكُمُ اللَّهُ وَ رَسُولُهُ وَالَّذينَ آمَنوا الَّذين يُقيمُونَ الصَّلاة وَ يُؤْتُونَ الزَّكاةَ وَ هُمْ راكِعُون ـ مائده/ 55.

 ـ يانى:: برٍاستى هه‏ر تنێ وه‏لى و خوه‏يێ هه‏وه خودايه و پێغه‏مبه‏رێ وى‏يه وئه‏ون يێن ئيمان ئانيين ونمێژێ بجى تينن وزه‏كاتێ ددن ل حالێ ركوعێ دا.

 ل ڤێده‏رێ ئه‏مێ ژناڤ گه‏له‏ك ئايه‏تێن ده‏رحه‏قێ مه‏زناهى و مه‏قام و ده‏ره‏جا بلندا ئه‏هلێ به‏يتێ دكن هنه‏كا ببژێرين و بنڤيسين و ب كورتى ژێ خه‏به‏ر بدين وژ سه‏ره تيا ئه‏لێ به‏يتێ باخڤين:

 ئه‏لف - ئايه‏تا ته‏طهيرێ

 إِنَّما يُريدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَ يُطَهِّرَكُمْ تَطْهيراً ـ ئه‏حزاب/ 33.

برٍاستى خودێ ئراده دكت كو پيساتيى‏ێ ژ هه‏وه ئه‏هلێ به‏يتێ تنێ ببت و هه‏وه پاكێ پاك بكت.



1 2 3 4 5 6 7 8 9 10 11 12 13 14 15 16 17 18 next