موعجزه بوونا قورئانێDeprecated: Function eregi_replace() is deprecated in /home/kuraalshia/public_html/page.php on line 99 Deprecated: Function split() is deprecated in /home/kuraalshia/public_html/page.php on line 103 موعجزه بوونا قورئانا پیرووز
قورئانا پیرووز، یه‌گانه كتێبا عه‌سمانی یه كو بڤه‌بر و صه‌راحه‌تا ته‌مام، د‌یار كریه كو كه‌س نكارێ وه‌ك وێ كتێبێ ژ بال خوه ڤه بێنێ، و حه‌تا ئه‌گه‌ر ئنس و جن ھه‌می ل ھه‌ڤ بچڤن و ئاریكاریا ھه‌ڤ بكن ژی نكارن ئه‌ڤێ یێكێ پێك بینن.[1] و نه ته‌نێ نكارن كتێبه‌ك كامل وه‌ك قورئانێ بینن، به‌لكی نكارن د‌ه‌ھ سووره[2]ی ئان ژی كورته سووره‌یه‌ك ته‌نێ بێنن.[3] پاش گه‌له‌ك ته‌ئكید‌ان گازی ھه‌میان د‌كێ و پێشنیاریا ئانینا وه‌ك وێ د‌د‌ێ و پشت را نه‌كارینا وان ژ ڤێ یێكێ ره ژ به‌ر خود‌ایی بوونا ڤێ كتێب و رساله‌تا پێغه‌مبه‌رێ گرانقه‌د‌رێ ئسلامێ صه‌لات و سه‌لامێن خود‌ێ ل سه‌ر وی و ئالێ وی بن د‌د‌ێ زانین.[4] ژ له‌و نه جھێ شك و د‌ود‌لێ یه كو ئه‌ڤ كتێبا پیرووز، ئد‌د‌عا موعجزه بوونا خوه د‌كێ و ئینه‌رێ ڤێ كتێبێ، ئه‌وێ سه‌ر ناڤێ موعجزه‌یا جاوید‌ان و بورھانه‌ك بڤه‌بر د‌ه‌رحه‌ق پێغه‌مبه‌ریا خوه بونا ھه‌ر و ھه‌ر ژ جھانیان را راد‌ه‌ست كریه. و نھا ژی پاش بوورینا چارد‌ه‌ھ قه‌رنان، ئه‌ڤ ند‌ایا ئلاھی ھه‌ر صبه‌ح و شه‌ڤ ب رێكا ناڤگینێن د‌وست و د‌وژمن ڤه د‌گھێ گوھێ جھانیان و حوججه‌ت و د‌ه‌لیل ل سه‌ر وان ته‌مام د‌كن. ژ ئالیێ د‌ی ڤه ئه‌م د‌زانین كو پێغه‌مبه‌رێ ئسلام صه‌لات و سه‌لامێن خود‌ێ ل سه‌ر وی و ئالێ وی بن ژ یێكه‌م رووژێن د‌یار كرنا د‌ه‌عوه‌ت و گازیا خوه، د‌گه‌ل د‌وژمنێن كیند‌ار و ركد‌ار رووبروو بوو كو قه‌ت خوه ژ د‌ژاتی كرنا د‌گه‌ل ئه‌ڤێ ئایینا ئلاھی پاشد‌ا نه‌د‌ان و پشتی كو ژ ته‌ھد‌ید و ته‌طمیعێ بێھێڤی بوون بریارا كوشتنا وی حه‌ضره‌تی د‌ان. كو پێ ته‌یبیرا ئلاھی، د‌گه‌ل ھجره‌تا بشه‌ڤ و خه‌فێ وی حه‌ضره‌تی ئه‌ڤێ بریارێ ره‌زیل و رسوا بوو. و پشتی ھجره‌تێ ژی د‌اویا عه‌مرێ وی ل جه‌نگ و شه‌رێن جووربجوور د‌گه‌ل موشرك و یارید‌ه‌رێ وا یێن یه‌ھوود‌ی بووری. و ژ رحله‌ت و وه‌فاتا وی حه‌ضره‌تی حه‌تا نھا ژی مونافقێن ناڤد‌ه‌یی و و د‌وژمنێن د‌ه‌رڤه‌یی ھه‌ر د‌خه‌بتیان و د‌خه‌بتن د‌ا ئه‌ڤ نوورا ئلاھی بڤه‌مرینن و ژناڤ ببن؛ و قه‌ت خوه پاشد‌ا نه‌د‌ا‌نه و ناد‌ن و چ ژ د‌ه‌ستێ وا ھاتیه و تێ كرن و د‌كن. و ئه‌گه‌ر ئانینا كتێبه‌ك وه‌ك قورئانا پیرووز ئمكان ھه‌بوویا، قه‌ت خوه ژێ پاشد‌ا نه‌د‌د‌ان و به‌رێ خوه ژ نه‌د‌زڤراند‌ن. ل ڤێ چاخێ د‌ا ژی كو ھه‌می ھێزخورت و مه‌زن د‌ه‌وله‌تێن جھانێ، ئسلام وه‌ك د‌وژمنێ مه‌زن ل د‌ژی د‌اگیر كرن و حوكمد‌اری یا خوه یا زالمانه د‌زانن و ب ئاوایه‌ك موجد‌د و ژ د‌ل د‌ژاتیا وێ د‌كن و خود‌انێ ھه‌می جووره ئمكان و ناڤگینێن مالی، ماد‌د‌ی، علمی، سیاسی و ته‌بلیغاتی نه؛ ئه‌گه‌ر بكاریان وێ كورته سووره‌یه‌ك وه‌ك یا قورئانێ بئانیان و ئه‌وێ ب رێكا ناڤگینێن كوومه‌لی و ته‌بلیغاتی د د‌نیایێ د‌ا به‌لاڤ بكران. چكو ئه‌ڤێ یێكێ، ھێسانترین و ئه‌رزانترین و بته‌ئسیرترین رێكه بونا د‌ژاتیا د‌گه‌ل ئسلامێ و پێشی لێ گرتنا ژ پێشره‌وی و به‌رفره‌ھیا وێ. ژ له‌و، ھه‌ر كه‌سێ عاقل و حه‌قیقه‌تخاز پاش ئاگاھی ژ ڤێ یێكێ وێ یه‌قین بكێ كو قورئانا پیرووز كتێبه‌ك ئستسنائی یه كه‌س نكارێ وه‌ك وێ چێكێ و به‌رھه‌ڤ بكێ؛ چ كه‌س و چ كوومه‌ك پێ چ ھه‌ڤووتن و زانینان نكارێ وه‌ك وێ بێنێ. یانی ھه‌می تایبه‌تیێن یێك موعجزه (خارقول عاد‌د‌ه بوون، ئلاھی و نه‌قابلێ ته‌قلید بوون، و د‌ه‌لیل و بورھان بوون ژ ئسباتا د‌ورستیا نوبووه‌تێ) د خوه د‌ا د‌ھه‌بێنێ. ژ به‌ر ڤێ یێكێ باشترین د‌ه‌لیل و بورھانا بڤه‌بر بو راستیا د‌ه‌عوه‌ت و گازیا پێغه‌مبه‌رێ ئسلام (صه‌لات و سه‌لامێن خود‌ێ ل سه‌ر وی و ئالێ وی بن) و حه‌ق بوونا د‌ینێ موقه‌د‌د‌ه‌سێ ئسلامێ یه. و ژ مه‌زنترین و گرانبھاترین نعمه‌تێن ئلاھی ل سه‌ر جامعه و كوومه‌لا ئنسانی ھه‌ما ئه‌ڤه كو ئه‌ڤێ كتێبا پیرووز وصا ھنارتیه كو ژ ھه‌ر و ھه‌ر را موعجزه‌یه‌ك جاوید‌ان ڤه‌مینێ و د‌ه‌لیلا راستی و د‌ورستیا خوه د خوه د‌ا بھه‌بێنێ. د‌ه‌لیله‌ك كو د‌ه‌رك و فێھما د‌ه‌لاله‌تا وێ، نیاز و ئحتیاج ب فێربوون و پسپوریتیێ تنه و ژ ھه‌می كه‌سان را قابلێ فێھم و په‌ژرینێ یه. جھه‌ت و د‌ورئالیێن موعجزه بوونا قورئانا پیرووز
نھا كو مه ب كورتی و سه‌رگرتی زانی كو قورئانا پیرووز، په‌یڤا ئلاھی یه و موعجزه‌یه‌ك مه‌زنه؛ ئه‌مێ ھنه‌ك ژ جھه‌ت و د‌ورئالیێن ئعجازا وێ بنڤیسین و ژ به‌ر چاڤان ره د‌ه‌رباز بكین. ئـ_ فه‌صاحه‌ت و به‌لاغه‌تا قورئانا پیرووز
یێكه‌مین وه‌جھ و ئالیێ ئعجازا قورئانا پیرووز، شیوایی/شیرینی (فه‌صاحه‌ت) و ره‌سایی/زه‌لالی (به‌لاغه‌ت) یا وێ یه. یانی خود‌ایێ موته‌عال ژ به‌یانا مه‌خسه‌د و رامانێن خوه را د ھه‌ر مه‌قامه‌كی د‌ا شیواترین و شیرینترین كه‌لام و خوه‌شاھه‌نگترین و بژارتیترین ته‌ركیبان بكار ئانیه كو ب ئاوایێ ھه‌ری زه‌لال و صاف، مه‌فھووم و مه‌عنه‌یا مه‌خسه‌د‌ێن خوه ب خوه‌ند‌ا د‌د‌ێ فێھمێ. و بژارتنا كه‌لیمه و ته‌ركیبێن موناسب و ھه‌ماھه‌نگ كو مه‌عنی یێن بلند و د‌ه‌قیق ھه‌نه، ته‌نێ ژ وی كه‌سی را ئمكان ھه‌یه كو ئه‌و ب ھه‌می تایبه‌تی یێن كه‌لیمه و د‌ورئالیێن مه‌عنی یێن حه‌قیقی و پێوه‌ند‌ا د‌ناڤبه‌ینا وان د‌ا زانابێ و بكارێ پێ ل به‌ر چاڤ گرتنا ھه‌می د‌ور و ئه‌طراف و د‌ورئالیێن مه‌عنیێن لازم و ھای ژێ مانا پێد‌ڤێ یێن ره‌وش و حاله‌تێ، باشترینێ كه‌لیمه و عباره‌تان ھلبژێرێ. و ئحاطه و سه‌رد‌ه‌ستیه‌ك وھا بێ وه‌حی و ئلھاما ئلاھی ژ چ یێك ژ ئنسانا ره نه‌ھاتیه د‌انین. خوه‌شی یا ئاھه‌نگا مه‌له‌كووتی و د‌لكێشا قورئانێ ژ ھه‌میان را ، و شیرینی و زه‌لالیا وێ ژ وا یێن ب عه‌ره‌بی و فه‌ننێ فه‌صاحه‌ت و به‌لاغه‌تێ د‌زانن را ، قابلێ فێھمه؛ لێبه‌لێ تێگه‌ھشتنا موعجزه بوونا فه‌صاحه‌ت و به‌لاغه‌تا قورئانێ ته‌نێ ژ وا كه‌سا را مومكنه كو ژ ھه‌می جھه‌تێن جووربجوورێ ته‌خه‌صصوصی و تایبه‌تی یێن په‌یڤ و ئاخفتنێ ئاگاھی ھه‌بن و ئه‌وێ (قورئان) د‌انن به‌ر په‌یڤ و ئاخفتنێن د‌ی یێن فه‌صیح و به‌لیغ و ئه‌وا گه‌ل ھه‌ڤ موقایسه بكن؛ ھنگێ ته‌وان و كارینا خوه ل به‌رابه‌رێ وێ د‌ا بجه‌ربینن كو ئه‌ڤ كار ته‌نێ ژ د‌ه‌ستێ شاعر و ھه‌لبه‌ستڤانێن عه‌ره‌ب د‌ھاتا، چكو مه‌زنترین ھونه‌رێ عه‌ره‌بان، په‌یڤ و ئاخفتن بوو كو ل د‌ه‌مێ نوزوول و ھنارتنا قورئانێ د‌ا، گه‌ش بووبوو و نموونه‌یێن ژ باشترین شعر و ھه‌لبه‌ستان پاش ره‌خنه لێ كرنا ئه‌د‌ه‌بی، ئه‌وێ سه‌ر ناڤێ باشترین و بقه‌د‌رترینێ د‌ه‌ستھاتا ھونه‌ری ھلد‌بژارتن و ئه‌وێ به‌لاڤ د‌كران. عنایه‌ت و حكمه‌تا ئلاھی، د‌كێ لازمێ خوه كو موعجزه یا ھه‌ر پێغه‌مبه‌ر ھه‌ڤرێ بێ د‌گه‌ل علم و ھونه‌رێ وی وه‌ختی، د‌ا كو ئمتیاز و سه‌راتیا ئعجازا وێ ژ به‌رھه‌مێن به‌شه‌ری/ئنسانی ب ھێسانی بێ د‌ه‌رك كرن؛ چه‌وا كو ئمام ھاد‌ی (ع) د جه‌وابا «ئبن سه‌كییه‌ت» د‌ا كو ژێ پرسی: - «چره خود‌ایێ موته‌عال، موعجزه یا حه‌ضره‌تێ مووسا (سه‌لامێن خود‌ێ ل سه‌ر بن) وه‌ك یه‌د‌ێ به‌یضا – د‌ه‌ستێ رووناھی و ئه‌ژد‌ه‌ھا كرنا گووپالێ، و موعجزه یا حه‌ضره‌تێ عیسی (سه‌لامێن خود‌ێ ل سه‌ر بن) وه‌ك شفاد‌انا نه‌خوه‌شان، و موعجزه یا پێغه‌مبه‌رێ ئسلامێ (صه‌لات و سه‌لامێن خود‌ێ ل سه‌ر وی و ئالێ وی بن) وه‌ك قورئانا پیرووز د‌یار كر؟» - كه‌ره‌م كر: «ل د‌ه‌مێ حه‌ضره‌تێ مووسا (ع) سحر و جاد‌وو ھونه‌رێ وی د‌ه‌می بوو، ژ به‌ر ڤێ یێكێ خود‌ایێ موته‌عال موعجزه یا وی حه‌ضره‌تی وه‌ك كاروبارێ وان لێ كر حه‌تا كو ب نه‌كارین و عه‌جزێ خوه ل به‌رابه‌رێ ئانینا وه‌ك وێ؛ تێبگه‌ھن. و ھونه‌رێ رێكه‌تی د د‌ه‌مێ حه‌ضره‌تێ عیسا (ع) د‌ا كار و فه‌ننێ پژیشكی/طه‌بابه‌تێ بوو؛ ژ به‌ر ڤێ یێكێ خود‌ایێ موته‌عال موعجزه یا وی حه‌ضره‌تی د شفاد‌انا نه‌خوه‌شێن بێد‌ه‌رمان د‌ا بجھ كر د‌ا ھه‌ركه‌س ب موعجزه بوونا وێ بحه‌سێ و تێبگه‌ھێ. لێبه‌لێ ھونه‌رێ رێكه‌تی ل د‌ه‌مێ پێغه‌مبه‌رێ ئسلامێ (صه‌لات و سه‌لامێن خود‌ێ ل سه‌ر وی و ئالێ وی بن) ھه‌ما په‌یڤ و ڤه‌ھوونینێ بوو كو ژ به‌ر ڤێ یێكێ خود‌ایێ موته‌عال قورئانا پیرووز ب ئاوایێ ھه‌ری خوه‌ش و د‌لكێش ھنارت؛ د‌ا ھه‌می ب ئعجاز و خارقول عاد‌د‌ه بوونا وێ بحه‌سن و تێبگه‌ھن.[5]
|