موعجزه‌ بوونا قورئانێ



به‌لێ؛ مه‌زنترین و گره‌گرێن په‌یڤناسێ وی د‌ه‌می، وه‌ك وه‌لید‌ێ كورێ موغه‌یره‌ یێ مه‌خزوومی و عتبه‌ یێ كورێ ره‌بیعه‌ و طوفه‌یلێ كورێ عه‌مر، ب فه‌صاحه‌ت و به‌لاغه‌تا بێ د‌اوی یا قورئانێ حه‌سیان و شه‌ھد‌ه‌یی د‌ان كو ئه‌وێ سه‌راتره‌ ژ بژارتیترین و زه‌لالترینێ په‌یڤ و ھه‌لبه‌ستێن به‌شه‌رید.‌[6] و پاش بوورینا صه‌د‌سالا ئه‌ول كه‌سێن وه‌ك ئبنێ ئه‌بلی عه‌وجاء و ئبنێ موقه‌ففه‌ع و ئه‌بوو شاكرێ د‌ه‌یصانی و عه‌بد‌ول مه‌لكێ به‌صری بریار د‌ان كو كارینا خوه‌ ل به‌رابه‌رێ قورئانا پیرووز د‌ا بجه‌ربینن و ساله‌ك ته‌مام ھه‌می ھێز و قووه‌تا خوه‌ بكار ئانین، لێبه‌لێ كێمترین و بچووكترین تشته‌كی ژی نه‌كرن و سه‌رئه‌نجام ھه‌می ل به‌رابه‌رێ مه‌زناھیا ئه‌ڤ كتێبا ئلاھی چووكا عه‌جز و حه‌یره‌تێ ل عه‌رد‌ێ د‌ان و گاڤا كو ل مه‌سجد‌ول حه‌رامێ د‌ا بونا لێكوولاند‌نا كار و بارێ خوه‌ یێن یێكسالی د‌ا ل ھه‌ڤ جڤیا بوون، ئمام صاد‌ق (ع) ژ بال وا بووری و ئه‌ڤ ئایه‌تا پیرووز ته‌لاوت كر:

« قُل لَّئِنِ اجْتَمَعَتِ الإِنسُ وَالْجِنُّ عَلَى أَن يَأْتُوا بِمِثْلِ ھذَا الْقُرْآنِ لاَ يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيرًا » سووره‌تێ ئسرا/ 88

ب_ نه‌خوه‌ند‌ی بوونا ئینه‌رێ

 قورئانا پیرووز، ئه‌گه‌ر ژ ئالی حه‌جمێ ڤه‌ نه‌ ئه‌وقاس مه‌زنه‌، لێبه‌لێ د‌اگرێ ئه‌نواع و ئه‌قسامێ جووربجوورێ مه‌عارف و علم و ئه‌حكام و قانوونێن فه‌رد‌ی و ئجتماعی یه‌ و لێكوولاند‌نا ھه‌ر د‌ه‌سته‌ ژ وان د‌كێ لازمێ خوه‌ كو كوومێن موتخه‌صص و شاره‌زا كو ل د‌رێژیا چه‌ند‌ین سالان د‌ا وێ د‌ه‌رحه‌قێ د‌ا د‌ه‌ستپێ ته‌حقیق و لێكوولین و خه‌باتا علمی بكن و ھێد‌ی ھێد‌ی سرر و ڤه‌شارتیێن وێ یێن نخووماند‌ی كفش بكن و خوه‌ بگه‌ھینن حه‌قیقه‌ت و راستیێن زه‌حفتر، ھه‌رچه‌ند‌ كو كفشا ھه‌می حه‌قایق و ڤه‌شارتیێن وێ، ژ بلی وا كه‌سێن كو خوه‌یێ علم و زانینا ئلاھی نه‌ ژ ئالیێ خود‌ا ڤه‌ ھاتنه‌ ته‌ئیید‌ كرن ژ كه‌سی را مومكن نینه‌.

ئه‌ڤ به‌رھه‌مێن جووربجوور كو كوورترین و بلند‌ترین مه‌عارف و بالا بلند‌ترین و بقه‌د‌رترینێ د‌ه‌ستووراتێن ئه‌خلاقی، و عاد‌لانه‌ترین و بھێزترین قانوونێن حوقووقی و جه‌زائی، و حه‌كیمانه‌ترین رێكێن عباد‌ی و ئه‌حكامێن فه‌رد‌ی و ئجتماعی، و بكێرترین و بسوود‌ترین وه‌عز و شیره‌تان و بفه‌ید‌ه‌ترین نوكتێن تاریخی و د‌یرووكی، و چێكه‌رترین و ئصله‌حكه‌رترین رێباز و ئاوایێن ته‌علیم و ته‌ربیه‌تێ – ھه‌ڤووتن و په‌روه‌رد‌ه‌كرنێ د‌ خوه‌ د‌ا د‌ھه‌بێنێ؛ و ب كورتی: د‌اگرێ ھه‌می ئه‌صلێن لازم بوونا سه‌عاد‌ه‌ت و به‌خته‌وه‌ریا د‌ د‌نیا و ئاخره‌تێ بونا به‌شه‌ر پێ ئوسلووب و ئاوایه‌ك نوو و خوه‌ش ل ھه‌ڤ كووم كرنه‌، ب وی ئاوایی كو ھه‌می كه‌سان د‌ جامعه‌ و كوومه‌لێ د‌ا بكارن قاس كارین و ئمكانا خوه‌ ژ به‌ھره‌ وه‌رگرن.

ل ھه‌ڤ كووم كرنا ھه‌می وا مه‌عارف و حه‌قیقه‌تان د‌ به‌رھه‌مه‌ك وھا د‌ا، نه‌ د‌ كارینا مرووڤێن عاد‌د‌ی د‌ا یه‌ و كه‌س نكارێ وه‌ك وێ چێكێ. لێبه‌لێ ئه‌وا كو ل سه‌ر عه‌جێبیا وێ زێد‌ه‌ د‌كێ ئه‌ڤه‌ كو ئینه‌رێ ڤێ كتێبا پیرووز یێك كه‌سی یه‌ كو قه‌ت د‌ه‌رس نه‌خوه‌ند‌یه‌ و ته‌علیم نه‌د‌یتیه‌ و قه‌ت قه‌له‌مێ ل سه‌ر په‌لێ نه‌ئانیه‌ و ل جھه‌كی د‌وور ژ ته‌مه‌د‌د‌ون و شاره‌مه‌ند‌یێ د‌ا په‌روه‌رد‌ه‌ بوویه‌. و یا عه‌جێبتر ئه‌ڤه‌ كو ل ژیانا خوه‌ یا چل سالان پێشیا بعسه‌تا خوه‌ نموونه‌یه‌ك ژ وا په‌یڤ و گووتنان كه‌س ژ وی سه‌ح نه‌كربوو و ل د‌ه‌ورانا رساله‌تا خوه‌ د‌ا ژی ئه‌وا كو ب ناڤێ وه‌حیا ئلاھی راد‌ه‌ست د‌كرا، خوه‌یێ ئوسلووب و ئاوایه‌كی ویژه‌ و تایبه‌ت و ھه‌ماھه‌نگ و لھه‌ڤ ھاتی بوو كو بته‌مامی ئه‌وا په‌یڤان ژ په‌یڤێن وی یێن د‌ی جد‌ا د‌كرا و فه‌رقه‌ك رووناھی و ئه‌شكه‌ره‌ د‌ ناڤ به‌ینا ئه‌ڤ كتێب و په‌یڤ و ئاخفتنێن د‌ی یێن وی د‌یار د‌كر.

قورئانا پیرووز پێ ئشاره‌ بال ڤێ نوكته‌یێ كه‌ره‌م د‌كێ: « وَمَا كُنتَ تَتْلُو مِن قَبْلِهِ مِن كِتَابٍ وَلَا تَخُطُّهُ بِيَمِينِكَ إِذًا لَّارْتَابَ الْمُبْطِلُونَ» عه‌نكه‌بووت / 48.

و ل جھه‌ك د‌ی د‌بێژێ: « قُل لَّوْ شَاء اللّهُ مَا تَلَوْتُهُ عَلَيْكُمْ وَلاَ أَدْرَاكُم بِهِ فَقَدْ لَبِثْتُ فِيكُمْ عُمُرًا مِّن قَبْلِهِ أَفَلاَ تَعْقِلُونَ » یوونس 16.

یانی: ئه‌گه‌ر خود‌ێ بخوه‌ستا منێ ئه‌ڤ كتێب ژ ھه‌وه‌ ره‌ ته‌لاوه‌ت نه‌كرا و منێ ھه‌وه‌ ژ وێ ئاگاھ نه‌كرا؛ چه‌وا كو پێشیا نھا د‌ا من ژیانا خوه‌ د‌گه‌ل ھه‌وه‌ بووراند‌یه‌ (د‌ وی حالی د‌ا كو نموونه‌یه‌ك ژ ڤا په‌یڤ و گووتنان ژ من سه‌ح نه‌كرنه‌) ما قه‌ی ھوون ھزر ناكن؟!

ئحتمالا زێده‌ ئه‌ڤه‌ كو ئایه‌تا 23 یا به‌قه‌ره‌ « فَأْتُوا بِسُورَةٍ مِّن مِّثْلِهِ‌» ھه‌ما ئشاره‌ دكێ بال ڤێ جھه‌تێ ژ ئعجازێ، یانی ئحتمالا قه‌وی ئه‌ڤه‌ كو ضه‌میرا « مِّثْلِهِ ‌» ڤه‌دگه‌رێ بال «عبدنا».

وه‌لحاصل: (قه‌ت نه‌مومكنه،‌ ‌لێ) ئه‌گه‌ر بێ فه‌رض كرن كو ب صه‌دان كوومێن زانیار و عالم ل ھه‌ڤ بچڤن و ئاریكاری بدن ھه‌ڤ و كتێبه‌ك وھا به‌رھه‌ڤ بكن ژی، قه‌ت گومانا ڤێ یێكێ نایێ دایین كو مرووڤه‌ك نه‌خوه‌ندی بكارێ به‌رھه‌مه‌ك وھا چێكێ.



back 1 2 3 next