حه‌د‌یسا سه‌قه‌له‌ین و غه‌دیرDeprecated: Function eregi_replace() is deprecated in /home/kuraalshia/public_html/page.php on line 99 Deprecated: Function split() is deprecated in /home/kuraalshia/public_html/page.php on line 103 حه‌د‌یسا سه‌قه‌له‌ین و غه‌دیر موسلم د صه‌حیحا خوه د‌ا ژ زه‌ید‌ێ كورێ ئه‌رقه‌م حه‌د‌یس ئانیه كو د‌ه‌ما ره‌سوولێ خود‌ا ل غه‌د‌یرێ خه‌به‌رد‌ایی ئه‌ڤ ژی گووت: ئه‌ز د‌وو گرانبھایا د ناڤ ھه‌وه د‌ا د‌ھێلم: كتێبا خودێ، د وێ د‌ا رۆناھی و ھد‌ایه‌ت ھه‌یه، ڤێجا نخوه كتێبا خودێ بگرن و ژێ ڤه‌نه‌بن... د په‌ی را به‌حسا باشیا وێ كر و گووت و گووت، پاشێ كه‌ره‌م كر: و ئه‌ھلێ به‌یتا من، ئه‌ز د‌ه‌رحه‌ق ئه‌ھلێ به‌یتا خوه د‌ا خودێ تینم بیرا ھه‌وه.[1] ترمزی ژی ژ زه‌ید‌ێ ئه‌رقه‌م وھا حه‌د‌یسێ د‌گێرێ كو ره‌سوولێ خود‌ا گووت: ئه‌ز د‌وو گرانبھایان ناڤ ھه‌وه د‌ا د‌ھێلم ئه‌گه‌ر ھوون خوه پێ بگرن قه‌ت ھوون ل رێ وند‌ا نابن، یێك ژ یێكی مه‌زنتره؛ كتێبا خود‌ا كو ژ عه‌سمانا ژوورد‌ه ھاتیه عه‌رد‌ێ؛ و بنه‌مالا من، ئه‌ھلێ به‌یتا من، ھه‌رد‌وو ژ ھه‌ڤ ناقه‌تن حه‌تا ل بال حه‌وز بگھێن من، ڤێجا ھاێ ژ خوه ھه‌بن بنێرن پشتی من ھونێ د گه‌ل وان چه‌وا ببوورینن.[2] ب ڤێ مه‌عنێ ئه‌حمه‌د ژی ژ ئه‌بو سه‌عید‌ێ خود‌ری نه‌قل كریه: ئه‌ز د‌وو گرانبھایان ناڤ ھه‌وه د‌ا د‌ھێلم، كتێبا خود‌ا و بنه‌مالا خوه، ھه‌رد‌وو ژ ھه‌ڤ ناقه‌تن حه‌تا ل بال حه‌وز بگھێن من.[3] ئه‌بو سه‌عید د‌یسا ژ پێغه‌مبه‌ر (ٌص) نه‌قل د‌كێ: إنى اَوْ شَكُ أَنْ أدعى فَأجيب، وَ إِنّى تارِكٌ فيكُمُ الثقلين كِتابَ اللّه عزّوجلّ و عِتْرَتي كِتاب الله حَبْلٌ مَمْدودٌ مِن السَّماء إِلى اْلأَرْضِ وَ عِتْرَتي أھل ِبَيْتي وَإِنّ اللطيف أخبرني أَنَّهُما لَنْ يفترقا حَتّى يَردا عَلىَّ الْحَوضَ فَانظُروا بِمَ تُخَلِّفُونى فيهما [4]. پێغه‌مبه‌ر صلى الله عليه وآله که‌ره‌م کر: گه‌له‌ك پێڤه ناچت كو ئه‌زێ گازيا خودايێ خوه جواب بدم و ژ دنيايێ بچم و ئه‌ز دو تشتێن گران بها پاش خوه ڤه ناڤ ھه‌وه د‌ا د‌ھێلم، كتێبا خودێ و عتره‌تا خوه، قورئان وه‌ریسێ ب ھه‌ڤه گرێدانا عه‌رد و عه‌سمانايه، عتره‌ت ژى ئه‌ھلێ به‌يتا منه. براستى خودايێ دلوڤان گوتيه من كو موحه‌قه‌ق ئه‌و ژ ھه‌ڤ ڤه‌نابن حه‌تا ل سه‌ر حه‌وز بێن بال من، ڤێجا بنێرن پاش من هونێ چه‌وا دگه‌ل وان ببوورینن.[5] به‌غه‌وی د مه‌صابیح ئه‌سسوننه د‌ا ج٢ په‌ر٢٠٤ و قازی عه‌یاز د شفایێ د‌ا ج٢ په‌ر ٤٠ ئه‌ڤ حه‌د‌یس ئانینه. خه‌تیبێ به‌غد‌اد‌ی ب رێكا حوزه‌یفه یێ كورێ ئوسه‌ید ڤه ژ د‌ه‌ڤێ ره‌سوولێ خد‌ا وھا نه‌قل د‌كێ: خه‌لكینو! ئه‌ز پێش ھه‌وه د‌ا د‌چم و ھوونێ ل سه‌ر حه‌وز بێن بال من و د‌ه‌ما ھوون ھاتن بال من ئه‌زێ د‌ه‌رحه‌ق د‌وو گرانبھایا ژ ھه‌وه بپرسم ڤێجا بنێرن پاش من ڤه ھوونێ چه‌وا گه‌ل وان ببورینن، گرانبھایا مه‌زنتر كتێبا خود‌ا یه كو ئالییه‌ك د د‌ه‌ستێ خود‌ا د‌ا یه و ئالیێ د‌ی د د‌ه‌ستێ ھه‌وه د‌ا یه، ڤێجا خوه پێ بگرن.[6] حاكم ب رێكا زه‌ید‌ێ كورێ ئه‌رقه‌م ڤه (موسته‌د‌ره‌ك ٤/١٠٩)، سیووتی ب سێ رێكان ڤه، رێكا زه‌ید‌ێ ئه‌رقه‌م و زه‌ید‌ێ كورێ سابت و ئه‌بوو سه‌عید‌ێ خود‌ری (جامع ئه‌صصه‌غیر)، فه‌قیھول حه‌ره‌مه‌ین محه‌مه‌د بن یووسوفێ شافعی (كفایه ئه‌تتالب په‌رێ ٥٣)، ته‌به‌ری ب رێكا زه‌ید‌ێ ئه‌رقه‌م ڤه د زه‌خائرێ د‌ا (په‌رێ ٢٦) ئه‌ڤ حه‌د‌یس روایه‌ت كرنه.
|