حه‌رفا ث



 

حه‌رفا ث

ثاء: حه‌رفا چارێ یا ئه‌لف بێ یێن عه‌ره‌بی یه.

235- ثُبوت، ثوبووت: ئستقرار، جی گرتن، جھ گرتن، راگرتن، جی بجی بوون، سه‌بات.

«وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ – و ھنگێ كو ئه‌وێن كه‌تین كوفرێ ده‌رحه‌ق ته‌ د‌ا ل چاره‌كی د‌گه‌رھان دا کو ته بگرن ئان بکوژن ئان ده‌رینن- ‌ئه‌نفال/ 30». گرتن و زێند‌ان كرنا پێغه‌مبه‌ر(ص) یێک ژ وان سێ تشتا بی کو ژ ئالیێ كافرێن قوره‌یشی یا ڤه‌ د داروننه‌دوه یێ دا قرارپێ هاتبی دایین.

«يَا أَيُّهَا الَّذِينَ آمَنُوا إِذَا لَقِيتُمْ فِئَةً فَاثْبُتُوا – گه‌لی كه‌سێن ھه‌وه‌ باوه‌ری ئانیی! د‌ه‌ما ھوون رابه‌رێ كوومه‌كی بین، خوه‌ راگرن؛ جی بجی ببن؛ خوه‌ جھ بكن؛ ب سه‌بات بن - ئه‌نفال/ 45». « وَلَوْلاَ أَن ثَبَّتْنَاكَ لَقَدْ كِدتَّ تَرْكَنُ إِلَيْهِمْ شَيْئًا قَلِيلاً -  و ئه‌گه‌ر نه‌ ئه‌و بیا كو مه‌ تو راگرتی، كێم مابی تو پچه‌كی مه‌یلا وان بكی - ئسراء/ 74». نه‌حل/ 94

236- ثُبور، ثوبوور: هه‌لاکه‌ت، ژ ناڤ چوون، ژ به‌ین چوون، مرن.

«دَعَوْا هُنَالِكَ ثُبُورًا - ل وێد‌ه‌رێ مرنا خوه د‌خازن - فورقان/ 13 و 14- لَا تَدْعُوا الْيَوْمَ ثُبُورًا وَاحِدًا وَادْعُوا ثُبُورًا كَثِيراً - و ئیروو جاره‌كی ته‌نێ مرنێ نه‌خازن و پر مرنێ بخازن». ئه‌وێ رووژا قیامه‌تێ ناما كار و عه‌مه‌لێ وی ژ پشتڤه‌ بد‌ن د‌ه‌ستی وی: « فَسَوْفَ يَدْعُو ثُبُورًا -  ڤێجا د‌ په‌ی را وێ مرنا خوه‌ بخازێ - ئنشقاق/ 11». «وَإِنِّي لَأَظُنُّكَ يَا فِرْعَونُ مَثْبُورًا - ئه‌ی فرعه‌ون، هه‌ما براستی ئه‌ز گومان دکم تو ژ ناڤچوویی یا یی - ئسراء/ 102». ئه‌ڤ كه‌لیمه‌ ھه‌ما د‌ ڤان ئایه‌تێن مه‌ گووتین د‌ه‌ ھاتیه‌.

237- ثَبط، ثه‌بط: زیندان، گرتن، پاشڤه‌د‌ان، پاشده‌دان. یێك جارێ د‌ ته‌وبه/ 46 د‌ه‌ ھاتیه‌. د‌ه‌رحه‌ق د‌ود‌لان د‌ه‌ كو نه‌چوون جھاد‌ێ: « وَلَوْ أَرَادُوا الْخُرُوجَ لأَعَدُّوا لَهُ عُدَّةً وَلَـكِن كَرِهَ اللّهُ انبِعَاثَهُمْ فَثَبَّطَهُمْ وَقِيلَ اقْعُدُوا مَعَ الْقَاعِدِينَ - و ئه‌گه‌ر ده‌رکه‌تن بخوه‌ستان (ژ ته‌بووکێ را) موحه‌قه‌ق ب ئاوایه‌کی وێ خوه ژێرا حازر بکران، لێ رێکه‌تنا وان ل خودێ خوه‌ش نه‌هات، ڤێجا ئه‌و پاشڤه دان، و [ژ وانرا] هات گووتن: گه‌ل روونشتیان ( ژن و زارووكان) روونێن خارێ».

238 – ثُبَه، ثوبه‌ھ: ده‌سته، بر، ‌کووم. ثُبات، جه‌معا وێ یه. « يَا أَيُّهَا الَّذِينَ آمَنُوا خُذُوا حِذْرَكُمْ فَانفِرُوا ثُبَاتٍ أَوِ انفِرُوا جَمِيعًا - ئه‌ی که‌سێن هه‌وه باوه‌ری ئانیی، حازریا خوه بکن [چه‌کێ خوه وه‌رگرن] ڤێجا کووم و کوم [ژ جهادێ را] ده‌رکه‌ڤن، ئانژی پێکڤه بکه‌ڤن رێ - نساء/ 71». یێك جارێ ھاتیه‌.



1 2 3 4 5 6 next