قصه‌تا كه‌ربه‌لایێ



ئمام حوسه‌ین س و ھووگران ل كه‌ربه‌لایێ بارێ خوه‌  دانین، لبه‌رابه‌رێ وا دا له‌شکه‌رێ حور ژی سه‌كنی و هه‌ر دو کوومان خێڤه‌تێن خوه‌  لبه‌رابه‌رێ هه‌ڤدا ڤه‌دان.

حورر، پێ شاندنا نامه‌یه‌کی بو ئبن زیاد راگه‌هاند کو قافله ل كه‌ربه‌لایێ یه.

ئمام حوسه‌ین ڤێ رووژێ ل كه‌ربه‌لایێ ئه‌ڤ گوتن گوتیه: الناس عبید الدنیا و الدین لعق علی ألسنتهم یحوطونهم ما درت معایشهم فإذا محصو بالبلاء قل الدیانون - یانی : خه‌لك کوولێ دنیایێ نه و دین ژ وان را کاسکه ژبونا خارن و ئالیستنێ، حه‌تا کو ژبونا ژیانا وان بکێر بێ ل دورێ به‌ره‌ه‌ڤ دبن، ڤێجا ده‌ما گرفتارێ ئمتحانێ ببن مروڤێ دیندار گه‌له‌گ کێم دبن.

عومه‌رێ سه‌عد‌ سه‌رله‌شكه‌ر یه‌زید‌ییان 3 ێ موحه‌رره‌‌مێ ب 4 ھه‌زار له‌شكه‌ر ڤه‌ ھات‌ كه‌ربه‌لایێ.

حه‌تا روژا شه‌شێ موحه‌رره‌‌مێ، ژمارا عه‌سكه‌رێ یه‌زید‌ییان ل كه‌ربه‌لایێ گهایه 20 هه زار که‌سان. ' 6ێ موحه‌رره‌‌مێ ئمام وه‌صیه‌ته‌‌ک کورت نڤیسی و ژ برایێ خوه‌  موحه‌مه‌دێ حه‌نه‌فیه را رێكر: فکأن الدنیا لم تکن و کأن الآخرة لم تزل، و السلام - حه‌چوه‌کو دنیا تنه یی و ئاخره‌‌ت هه‌ر هه‌یی و خاترێ هه‌وه.

كه‌ربه‌لا

 7 ێ موحه‌رره‌‌مێ

ڤێ روژێ نامه‌یه‌ک دیتر ژ ئبن زیاد دگهێ د‌ه‌ستێ عومه‌رێ سه‌عد کو: رێکا ئاڤا روبارێ فوراتێ ژ حوسه‌ین و قافلا شه‌ھید‌ان بگره‌‌ و نه‌هێله‌ ئه‌و خوه‌  بگهینن ئاڤێ و ژێ ڤه‌خون. عومه‌رێ سه‌عد ژی بێ موهله‌ت عه‌مرێ حه‌جاج گه‌ل پێنجصه‌د شه‌رڤانا ل ته‌نشتا روبارێ فوراتێ جھ کر.

عه‌بدولاهێ حه‌صین گازی کر: ئه‌ی حوسه‌ین! هێدی ژ ھه‌ر پێڤه تو ره‌‌نگێ هه‌شینێ ڤێ ئاڤێ نابینی، صوند ب خودێ، تو دلووپه‌ک ژ ڤێ ئاڤێ ڤه‌ناخوی حه‌تا تو جان بدی.

روژا تاسوعایێ



back 1 2 3 4 5 6 7 8 9 10 11 12 13 14 15 16 17 18 next