ئایه‌تا ته‌طھیرێ و فاتیمه (س)



ديسا ژ ئومم سه‌‌له‌‌مێ حه‌‌ره‌‌ما پێغه‌مبه‌ر صلى الله عليه وآله روایه‌ت كرنه كو پێغه‌مبه‌ر ل مالا وێ دا لسه‌ر جهێ خه‌وا خوه‌ عه‌‌بايه‌ك خه‌يبه‌رى ل خوه‌ وه‌ر كربى كو فاطیمايێ ئامانه‌ك خارن ئانى، ڤێجا پێغه‌مبه‌ر صلى الله عليه وآله گوتێ گازى مالخوێ خوه و دوكورێن خوه حه‌سه‌ن و حوسه‌ين بكه‌ و بينه‌ بال من، ئه‌‌وێ ژى ئه‌‌و ئانين و ل حالێ كو ئه‌‌وا خارن دخاران، ئه‌ڤ ئایه‌ت ژ پێغه‌مبه‌ر را ھات: إِنَّما يُريدُ اللَّهُ لِيُذْهِبَ عَنْكُمْ الرِّجْسَ أھل الْبَيْتِ وَ يُطَهِّرَكُمْ تَطْهيراً ـ ڤێجا پێغه‌مبه‌ر صلى الله عليه وآله گوهێ وى عه‌بايى گرت و ل وا دا كر و پاشێ د‌ه‌ستێ خوه د‌ عه‌با را د‌ه‌رانی و رابه‌رێ عه‌سمانا كر و گوت: ئه‌ى خودا ئه‌ڤێنھه‌‌ ئه‌‌ھلێ به‌يتا من و پێڤه‌‌گرێدايێن منن، نخوه‌ تو پيساتيێ ژ وان ببه‌ و ئه‌‌وا پاك بكه‌، سێ جارا ئه‌ڤ گووتن گوت. ئومم سه‌‌له‌‌مه‌ دبێژت من ژى سه‌‌رێ خوه‌ كر بن په‌ردێ دا و گوت، ئه‌ى پێغه‌‌مبه‌‌رێ خودێ ئه‌ژى دگه‌ل ھه‌‌وه‌مه‌؟ پێغه‌‌مبه‌‌ر دو جارا گوت تو باشى تو لسه‌‌ر خێرێ يى[8].

ديسا پێغه‌‌مبه‌‌رصلى الله عليه وآله كه‌ره‌م دكت: نَزَلَتْ هذِهِ الآيَةُ في خَمْسَةٍ فِيَّ وَ فِى عَلىٍّ و فاطمة و حسن و حسين: إنَّما يُريدُ اللَّهُ لِيُذْھبَ عَنْكُمُ الرّجسَ أھْلَ الْبَيْتِ وَ يُطھركم تَطھيراً -... ئایه‌‌تا ته‌طھ‌يرێ ده‌رحه‌قێ پێنج كه‌سان دا ھاتيه‌، ده‌رحه‌قێ من و عه‌لى و فاطمه‌ و حه‌سه‌ن و حوسه‌ين[9].

ل روایه‌‌ته‌ك دى دا ھاتيه‌ كو ده‌ما پێغه‌‌مبه‌‌ر صلى الله عليه وآله بو نمێژا صبھێ به‌رده‌رێ مالا فاطیمايێ را ده‌رباز دبيا دگوتا: اَلصَّلاة يا أَھلَ الْبَيْتِ... اَلصَّلاة... إِنَّما يُريدُ اللَّهُ لِيُذْھبَ عَنْكُمُ الرّجسَ أَھلَ الْبَيْتِ وَ يُطھركم تطھيراً - رابن نمێژێ ئه‌ى ئه‌ھلێ به‌يتا من، رابن نمێژێ، و پێره‌ ئایه‌‌تا ته‌طھيرێ دخوه‌ندا[10].

ب ڤى ئاوايى قورئان ژ ئه‌ھلێ به‌يتێ خه‌به‌ر ددت و كه‌‌ساتییا وا يێن پاك و دويرێ ژ پيساتى و گونه‌‌ھ و بن ئه‌مريا بایێ د‌ل، ڤه‌دقه‌تينت. و ژ به‌ر ڤێ يێكێ يه‌ كو ئه‌‌و بخوه‌ و رێكا وان بو مه‌ ئوسوه‌ و نمونه‌یه‌[11].

بێ شك قورئانێ ئه‌‌و ب مه‌ نه‌دانه‌ ناساندن ب ڤى ئاوايێ ناساندنێ مه‌گه‌ر ژ وى قاسى را كو لسه‌‌ر بلنداھيا مه‌قام و مه‌رته‌با جھێ وان بشدينت و موھم بدت پێش چه‌ھڤا دا كو به‌رێ خه‌لكێ بدت ده‌وسا وان، و دا بو فێھم كرن و زانينا شه‌ريعه‌تێ خه‌لك به‌رێ خوه‌ بدن وان و بچن بال وان و د‌ه‌‌ستور و حوكم و قرارێن خوه‌ يێن ژيانێ ژ وان بگرن و دا كو بو ئوممه‌تێ ته‌رازوو و ميزان و پيڤه‌ك دانيبت كو ئه‌گه‌ر ل فێھم و باوه‌رى و گووتنا دا خلاف كه‌ت ناڤ وان ل ئه‌‌ھلێ به‌يتێ بزڤرن و گووتن و فكر و باوه‌ريێن خوه‌ ل به‌ر وا بكێشن و پێ وا بپيڤن و خوه‌ راست بكن و ئه‌ڤ چه‌نده‌ ژ گه‌له‌ك ئایه‌‌تێن قورئانێ يێن ديتر كو لسه‌‌ر نمونه‌ و ئوسوه‌‌بوونا ئه‌‌ھلێ به‌يت بو ئوممه‌تێ پاش پێغه‌مبه‌ر صلى الله عليه وآله ته‌ئكيد دكن و دشدينن روناھیتر دبت.

ژ ڤێ چه‌ندێ كو پێغه‌مبه‌ر صلى الله عليه وآله سه‌‌رێ صبھێ به‌ر ده‌رێ مالا فاطیمايێ را دچوا گازى وا دكرا بو نمێژێ و ڤێ مه‌سه‌لێ ب ھه‌‌يڤا ده‌وام كر، ھه‌‌ر وھا ژ ڤێ چه‌ندێ كو ئه‌‌و ناڤ كرن ب ئه‌‌ھلێ به‌يت، ب باشى تێت زانين كو د‌خوه‌‌ستا شه‌خصێن ئه‌‌ھلێ به‌يتێ بدت ناساندن و ئایه‌‌تا ته‌طھيرێ بو موسلمانا ته‌‌فسیر بكت و ئوممه‌‌تێ ب مه‌قام و مه‌رته‌با ئه‌‌ھلێ به‌يتێ بحه‌سينت و به‌رێ ئوممه‌‌تێ بدت وان و حه‌ژێكرن و گوھدان و وه‌‌لايه‌تا وان لسه‌‌ر ئوممه‌‌تێ فه‌‌رز و واجب بكت.

ژ به‌‌ر ڤێ یه‌‌ كو ته‌‌به‌‌رانى ژ ئه‌‌بول حه‌مرا روایه‌‌ت دكت كو: من ديت پێغه‌‌مبه‌رێ خودێ صلى الله عليه وآله شه‌ش ھه‌‌يڤا دھاتا به‌ر ده‌ریێ مالا عه‌لى و فاطیمايێ و ئه‌ڤ ئایه‌‌ت دخوه‌ندا: إِنَّما يُريدُ اللَّهُ لِيُذْھبَ عَنْكُمُ الرّجْسَ أھل البَيْتِ وَ يُطَھرَكُمْ تَطْھيرا[12].

فه‌خرێ رازى ل ته‌‌فسیرا خوه‌ دا دنڤيست كو پيغه‌مبه‌ر صلى الله عليه وآله پاش ھاتنا ڤێ ئایه‌‌تێ: وَأمُرْ أھلكَ بِالصَّلاةِ وَاصْطَبِرْ عَلَيھا.. ـ د‌ه‌‌ستويرێ بده‌ ئه‌‌ھلێ مالا خوه‌ بوو نمێژێ و ل سه‌‌ر پێك ئانينا وێ صه‌برێ بكه‌. طاھا / 132

ھه‌ر صبه‌ھ دچوا به‌رده‌رێ مالا عه‌لى و فاطیمايێ و دگوتا ـ الصلاة.. رابن نمێژێ و ب ھه‌‌يڤا ده‌وام دا ئه‌ڤى كارى.

ل حه‌‌د‌یسا حه‌ماد بن سه‌‌له‌‌مه‌ دا ژ عه‌لى كورێ زه‌يد، ژ ئه‌نه‌س ھاتيه‌ كو: پێغه‌‌مبه‌‌رصلى الله عليه وآله بو نمێژێ ده‌ردكه‌تا و به‌ر ده‌ریێ مالا فاطیمايێ را ده‌رباز دبيا و حه‌تا شه‌ش ھه‌‌يڤا دگوتا: اَلصَّلاة أھل الْبَيْت، إِنَّما يُريدُ اللّهُ لِيُذْھبَ عَنْكُمُ الرّجْس - رابن نمێژێ ئه‌ى ئه‌‌ھلێ به‌يتێ براستى خودێ ئراده‌ دكێ كو پيساتيێ ژ ھه‌‌وه‌ ئه‌‌ھلێ به‌يتێ ببێ و ھه‌‌وه‌ پاكێ پاك بكێ.



back 1 2 3 4 next